ადამიანის უფლებათა ევროპული სასამართლო (სტრასბურგი) — საჩივრის (განაცხადის) მომზადება

როდის შეიძლება მიმართოთ სტრასბურგის სასამართლოს

სასამართლოს მიმართვა შესაძლებელია, თუ:

• დაირღვა კონვენციით ან მისი ოქმებით დაცული უფლება, მაგალითად, სამართლიანი სასამართლოს, საკუთრების, თავისუფლების, პირადი და ოჯახური ცხოვრების პატივისცემის ან სხვა უფლება;
• დარღვევაზე პასუხისმგებელია სახელმწიფო;
• ამოწურულია სამართლებრივი დაცვის შიდასახელმწიფოებრივი საშუალებები;
• საჩივარი წარდგენილია კონვენციით დადგენილ ვადაში.

სასამართლო მკაცრად ამოწმებს საჩივრის დასაშვებობას, ამიტომ განაცხადის წარდგენამდე საქმის საფუძვლიანი შეფასება აუცილებელია.

რას მოიცავს ჩვენი მომსახურება

• საქმის წინასწარი შეფასება — დასაშვებობის კრიტერიუმებისა და კონვენციის სავარაუდოდ დარღვეული მუხლების განსაზღვრა;
• საჩივრის (განაცხადის ფორმის) მომზადება და წარდგენა;
• საჭირო დოკუმენტებისა და მტკიცებულებების შეგროვება და თარგმნა;
• სასამართლოსთან მიმოწერა და მთავრობის პოზიციაზე წერილობითი პასუხის მომზადება;
• მოლაპარაკება მორიგების (friendly settlement) თაობაზე და სამართლიანი დაკმაყოფილების მოთხოვნა;
• მხარდაჭერა გადაწყვეტილების აღსრულების ეტაპზე.

ვადები

კონვენცია საჩივრის წარდგენისთვის ვადას ადგენს, რომელიც, როგორც წესი, საბოლოო ეროვნული გადაწყვეტილებიდან აითვლება. ვადის გაშვება საჩივრის დაუშვებლად ცნობის საფუძველია, ამიტომ საბოლოო გადაწყვეტილების მიღებისთანავე დაგვიკავშირდით. ვადას და მისი ათვლის წესს კონსულტაციისას ზუსტად განვსაზღვრავთ.

როგორ ვმუშაობთ

1. საქმის გაცნობა: ვსწავლობთ ეროვნული სასამართლოების გადაწყვეტილებებსა და საქმის მასალებს.
2. დასაშვებობის შეფასება: გულწრფელად გეტყვით, რამდენად აკმაყოფილებს საქმე სასამართლოს კრიტერიუმებს.
3. საჩივრის მომზადება: ვადგენთ განაცხადს და ვაგროვებთ თანდართულ დოკუმენტებს.
4. წარმოება: ვაწარმოებთ მიმოწერას სასამართლოსთან და ვამზადებთ წერილობით პოზიციებს.
5. შემდგომი ეტაპები: გეხმარებით მორიგების, სამართლიანი დაკმაყოფილებისა და აღსრულების საკითხებში.

რატომ LCG LEGAL

ჩვენი დამფუძნებელი პარტნიორი, სულხან კაპანაძე, საერთო სპეციალიზაციის ადვოკატია (საქართველოს ადვოკატთა ასოციაციის წევრი, რეგისტრაციის № 7348). მას 15-წლიანი პროფესიული გამოცდილება აქვს, მათ შორის 10 წელი საადვოკატო პრაქტიკაში. ვმუშაობთ ეროვნულ სასამართლოებში სამოქალაქო, ადმინისტრაციულ და სისხლის სამართლის საქმეებზე, ამიტომ საქმეს ჯერ კიდევ ეროვნულ ეტაპზე ვაფასებთ კონვენციის სტანდარტების გათვალისწინებით. ამჟამადაც ვაწარმოებთ საქმეებს სტრასბურგის სასამართლოში.

იხილეთ ასევე: სასამართლო დავები და აღსრულება, სისხლის სამართალი, ადმინისტრაციული დავები.

ხშირად დასმული კითხვები

დაგვიკავშირდით

მიგაჩნიათ, რომ თქვენი უფლება დაირღვა? დაგვირეკეთ 577 404 750 ან მოგვწერეთ info@lcglegal.ge. შეხვედრა წინასწარი ჩაწერით — თბილისი, ალ. ყაზბეგის N25. შესაძლებელია ონლაინ კონსულტაცია ვიდეოზარით. პირველი კონსულტაცია უფასოა.