თვითნებურად დაკავებული მიწის ნაკვეთი — საკუთრების უფლების აღიარება

რა არის თვითნებურად დაკავებული მიწა

თვითნებურად დაკავებულია სახელმწიფო ან მუნიციპალურ საკუთრებაში არსებული მიწის ნაკვეთი, რომელსაც პირი ფლობს ან იყენებს სათანადო სამართლებრივი საფუძვლის გარეშე. ასეთ მიწაზე საკუთრების უფლების აღიარების საკითხს განიხილავს შესაბამისი მუნიციპალიტეტის საკუთრების უფლების აღიარების კომისია.

მნიშვნელოვანია, ერთმანეთისგან განვასხვავოთ თვითნებურად დაკავებული მიწა და მართლზომიერ მფლობელობაში არსებული მიწა. მართლზომიერ მფლობელობაში არსებულ მიწაზე საკუთრების უფლების აღიარების საკითხს საჯარო რეესტრი წყვეტს. ამის შესახებ იხილეთ გვერდი „მიწის რეგისტრაცია“. სწორი უწყების შერჩევა პირველი და ძალიან მნიშვნელოვანი ნაბიჯია.

ვის შეუძლია აღიარების მოთხოვნა

საკუთრების უფლების აღიარების მოთხოვნა შეუძლია დაინტერესებულ პირს, რომელიც 2007 წლის 27 ივლისამდე ფლობდა და სარგებლობდა თვითნებურად დაკავებული, სახელმწიფო საკუთრებაში არსებული სასოფლო ან არასასოფლო-სამეურნეო დანიშნულების მიწის ნაკვეთით, რომელზეც განთავსებულია საცხოვრებელი სახლი ან არასაცხოვრებელი დანიშნულების შენობა (აშენებული, მშენებარე ან დანგრეული).

აღიარების მოთხოვნა ასევე შეუძლია ფიზიკურ პირს იმ თვითნებურად დაკავებულ მიწის ნაკვეთზე, რომელიც მის საკუთრებაში ან მართლზომიერ მფლობელობაში არსებული მიწის ნაკვეთის მომიჯნავეა, მიუხედავად იმისა, დგას თუ არა მასზე შენობა.

ზოგი მიწის ნაკვეთის აღიარება კანონით შეზღუდულია. ამიტომ განცხადების წარდგენამდე ვამოწმებთ, აკმაყოფილებს თუ არა თქვენი ნაკვეთი კანონის მოთხოვნებს.

რას ამოწმებს აღიარების კომისია

• ნაკვეთის ადგილმდებარეობასა და საზღვრებს;
• ნაკვეთზე არსებულ შენობა-ნაგებობებს;
• ნაკვეთის ფლობისა და გამოყენების ისტორიას;
• ხომ არ არის ნაკვეთი ისეთი, რომლის აღიარებაც კანონით შეზღუდულია;
• წარდგენილი დოკუმენტების სისრულესა და სანდოობას.

რა დოკუმენტები დაგჭირდებათ

• პირადობის დამადასტურებელი დოკუმენტი;
• ნაკვეთის საკადასტრო აზომვითი ნახაზი;
• მტკიცებულებები, რომლებიც ადასტურებს ნაკვეთის ფლობასა და გამოყენებას: ძველი დოკუმენტები, ცნობები, ფოტოები, მეზობლების ინფორმაცია;
• ნაკვეთზე არსებული შენობა-ნაგებობის შესახებ ინფორმაცია (არსებობის შემთხვევაში);
• ექსპერტიზის დასკვნა (საჭიროების შემთხვევაში);
• სხვა დოკუმენტები, რომლებიც კონკრეტულ საქმეს ეხება.

დოკუმენტების ზუსტ ჩამონათვალს თქვენი საქმის გაცნობის შემდეგ განვსაზღვრავთ.

როგორ ვმუშაობთ

1. კონსულტაცია: ვაფასებთ ნაკვეთის სტატუსს და განვსაზღვრავთ, რომელ უწყებას უნდა მიმართოთ (აღიარების კომისიას თუ საჯარო რეესტრს).
2. დოკუმენტების შეგროვება: გეხმარებით აზომვითი ნახაზის, მტკიცებულებებისა და სხვა საჭირო დოკუმენტების მომზადებაში.
3. განცხადების წარდგენა: ვამზადებთ და ვაბარებთ განცხადებას კომისიაში.
4. წარმოების მხარდაჭერა: ვურთიერთობთ კომისიასთან და, საჭიროების შემთხვევაში, ვავსებთ ხარვეზებს.
5. რეგისტრაცია: დადებითი გადაწყვეტილების შემდეგ გეხმარებით საკუთრების უფლების საჯარო რეესტრში რეგისტრაციაში.

რა უნდა გააკეთოთ, თუ კომისიამ უარი გითხრათ

აღიარების კომისიის გადაწყვეტილება პირდაპირ სასამართლოში საჩივრდება. გასაჩივრებისთვის კანონი ვადას ადგენს, ამიტომ უარის მიღებისთანავე დაგვიკავშირდით. ვაანალიზებთ უარის საფუძველს, ვაფასებთ გასაჩივრების პერსპექტივას და ვამზადებთ სარჩელს. დეტალურად წაიკითხეთ ჩვენი სტატია: „საკუთრების აღიარების კომისიის უარის გასაჩივრება“. მერიასთან დაკავშირებულ სხვა დავებზე იხილეთ გვერდი „დავა მერიასთან“. ნაკვეთზე არსებული ნაგებობის დაკანონების საკითხზე იხილეთ გვერდი „უნებართვო მშენებლობის დაკანონება“.

ხშირად დასმული კითხვები

დაგვიკავშირდით

გსურთ, გაარკვიოთ, შესაძლებელია თუ არა თქვენი მიწის აღიარება? დაგვირეკეთ 577 404 750 ან მოგვწერეთ info@lcglegal.ge. შეხვედრა წინასწარი ჩაწერით — თბილისი, ალ. ყაზბეგის N25. შესაძლებელია ონლაინ კონსულტაცია ვიდეოზარით. პირველი კონსულტაცია უფასოა.