სამშენებლო და უძრავი ქონების სამართალი — ადვოკატი თბილისში

როდის დაგჭირდებათ სამშენებლო სამართლის იურისტი

მშენებლობა და უძრავი ქონება დიდ ინვესტიციას და, შესაბამისად, დიდ რისკსაც გულისხმობს. სწორად მომზადებული დოკუმენტები და ხელშეკრულებები, დროულად მიღებული ნებართვები და შეძენამდე ქონების გულდასმით შემოწმება ბევრ პრობლემას აგარიდებთ. თუ დავა უკვე წარმოიშვა, მნიშვნელოვანია, საქმეს თავიდანვე სწორი სტრატეგიით მივუდგეთ.

ჩვენ ვემსახურებით როგორც კერძო პირებს (ბინის ან სახლის მყიდველებსა და მესაკუთრეებს), ისე სამშენებლო კომპანიებსა და დეველოპერებს.

რა საკითხებში გეხმარებით

• მშენებლობის ნებართვები: მიწის ნაკვეთის სამშენებლოდ გამოყენების პირობების, არქიტექტურული პროექტისა და, საჭიროების შემთხვევაში, განაშენიანების რეგულირების გეგმის შეთანხმების სამართლებრივი უზრუნველყოფა;
• სამშენებლო სამართალდარღვევები: მუნიციპალური ინსპექციის მიერ დადებული ჯარიმები, მითითებები, მშენებლობის შეჩერება და დემონტაჟის შესახებ გადაწყვეტილებები;
• დაკანონება: უნებართვოდ ან პროექტის დარღვევით აშენებული შენობა-ნაგებობების ლეგალიზაციასთან დაკავშირებული საკითხები;
• ხელშეკრულებები: სამშენებლო, ნარდობისა და ქვეკონტრაქტორთან ხელშეკრულებები, დეველოპერსა და მყიდველს შორის ხელშეკრულებები;
• მშენებარე ბინის შეძენა: დეველოპერისა და პროექტის შემოწმება, ხელშეკრულების პირობების ანალიზი;
• დავები დეველოპერებთან და კონტრაქტორებთან: ვადის გადაცილება, ხარისხის ნაკლი, ფართის შეუსაბამობა, ქონების რეგისტრაციის პრობლემები;
• უძრავი ქონების შეძენამდე შემოწმება: ქონების სამართლებრივი მდგომარეობის სრული ანალიზი.

ნებართვები და მუნიციპალური ინსპექცია

მშენებლობის ნებართვის მიღება, როგორც წესი, რამდენიმე ეტაპს გადის, ხოლო კონკრეტული პროცედურა დამოკიდებულია მშენებლობის კლასზე, ნაკვეთის სტატუსსა და ტერიტორიის სამშენებლო რეგულაციებზე. ჩვენ ვამზადებთ საჭირო განცხადებებსა და დოკუმენტებს, ვურთიერთობთ მერიის შესაბამის სამსახურებთან და ვცდილობთ, პროცესი დროულად და შეფერხების გარეშე წარიმართოს.

მშენებლობის კანონიერებას მუნიციპალური ინსპექცია აკონტროლებს. თუ თქვენ მიმართ სამშენებლო სამართალდარღვევის საქმის წარმოება დაიწყო, ვიცავთ თქვენს ინტერესებს როგორც ადმინისტრაციულ ორგანოში, ისე სასამართლოში. მერიის აქტების ნაწილი პირდაპირ სასამართლოში საჩივრდება, ნაწილი კი ჯერ ადმინისტრაციული საჩივრით და შემდეგ სასამართლოში; სწორ გზას საქმის მიხედვით განვსაზღვრავთ. გასაჩივრების ვადები დამოკიდებულია გადაწყვეტილების სახესა და შესაბამის კანონზე, ამიტომ დაგვიკავშირდით რაც შეიძლება ადრე. მეტი ინფორმაცია იხილეთ გვერდზე „ადმინისტრაციული დავები“.

სამშენებლო ხელშეკრულებები

დამკვეთსა და კონტრაქტორს ან დეველოპერსა და მყიდველს შორის ურთიერთობა ხელშეკრულებით რეგულირდება, ამიტომ მისი პირობები თქვენი დაცვის მთავარი საშუალებაა. ვამზადებთ და ვამოწმებთ ხელშეკრულებებს, რათა მკაფიოდ იყოს განსაზღვრული სამუშაოს მოცულობა, ვადები, ანგარიშსწორება, მიღება-ჩაბარება, ხარისხის მოთხოვნები და მხარეთა პასუხისმგებლობა. კარგად შედგენილი ხელშეკრულება მნიშვნელოვნად ამცირებს მომავალი დავის რისკს.

იხილეთ სტატია „სამშენებლო ხელშეკრულება: 5 პუნქტი, რომელიც ხელმოწერამდე უნდა გადაამოწმოთ“.

მშენებარე ბინის შეძენა და დავები დეველოპერებთან

მშენებარე სახლში ბინის ყიდვისას მყიდველი ხშირად ეყრდნობა დეველოპერის დაპირებებს. ხელშეკრულების ხელმოწერამდე მნიშვნელოვანია, გადამოწმდეს მიწის ნაკვეთის მესაკუთრე და მისი დატვირთვები, მშენებლობის ნებართვა და შეთანხმებული პროექტი, ასევე ხელშეკრულების პირობები: მშენებლობის დასრულებისა და ბინის გადაცემის ვადები, გადახდის გრაფიკი, ბინის მდგომარეობა გადაცემისას და დეველოპერის პასუხისმგებლობა დაგვიანებისთვის.

თუ დეველოპერი ვალდებულებებს არ ასრულებს (აგვიანებს მშენებლობას, ბინას ხარისხის ნაკლით გადასცემს ან ფართი არ შეესაბამება შეთანხმებულს), ვაანალიზებთ ხელშეკრულებას, ვცდილობთ საკითხის მოლაპარაკებით მოგვარებას და, საჭიროების შემთხვევაში, ვამზადებთ პრეტენზიას ან სარჩელს.

უძრავი ქონების შეძენამდე შემოწმება

ნებისმიერი უძრავი ქონების (ბინის, სახლის ან მიწის ნაკვეთის) ყიდვამდე ვამოწმებთ:

• საჯარო რეესტრის ამონაწერს — ვინ არის მესაკუთრე და ემთხვევა თუ არა მონაცემები რეალობას;
• იპოთეკას, ყადაღასა და სხვა დატვირთვებს;
• შენობის სამართლებრივ სტატუსს — აშენებულია თუ არა ნებართვითა და შეთანხმებული პროექტის შესაბამისად;
• გამყიდველის უფლებამოსილებასა და ხელშეკრულების პირობებს.

თუ შესაძენი მიწა რეგისტრირებული არ არის ან საკადასტრო მონაცემები დასაზუსტებელია, იხილეთ „მიწის რეგისტრაცია“.

როგორ ვმუშაობთ

1. კონსულტაცია: ვეცნობით თქვენს პროექტს, დოკუმენტებსა და მიზნებს.
2. სამართლებრივი ანალიზი: ვაფასებთ რისკებს, ნებართვების საჭიროებას ან დავის პერსპექტივას.
3. დოკუმენტები და ხელშეკრულებები: ვამზადებთ განცხადებებს, ხელშეკრულებებსა და საჩივრებს.
4. კომუნიკაცია: ვურთიერთობთ მერიასთან, საჯარო რეესტრთან, დეველოპერთან ან კონტრაქტორთან.
5. წარმომადგენლობა: საჭიროების შემთხვევაში გიცავთ ადმინისტრაციულ ორგანოებსა და სასამართლოს ყველა ინსტანციაში.

სამშენებლო კომპანიებისა და დეველოპერებისთვის გვაქვს სპეციალური შეთავაზება „მშენებლობის პროცესში დახმარების სერვისი“, რომელიც მოიცავს ყველა ეტაპს ნებართვებიდან ექსპლუატაციაში მიღებამდე.

ხშირად დასმული კითხვები

დაგვიკავშირდით

გჭირდებათ დახმარება სამშენებლო ან უძრავი ქონების საკითხში? დაგვირეკეთ 577 404 750 ან მოგვწერეთ info@lcglegal.ge. შეხვედრა წინასწარი ჩაწერით — თბილისი, ალ. ყაზბეგის N25. შესაძლებელია ონლაინ კონსულტაცია ვიდეოზარით. პირველი კონსულტაცია უფასოა.

მშენებლობის პროცესში დახმარების სერვისი →

მიწის ნაკვეთის ფუნქციური ზონის ცვლილება →

უძრავი ქონების გამიჯვნა →

მეზობლის მშენებლობის ნებართვის გასაჩივრება →

სამშენებლო ჯარიმის ან/და დემონტაჟის გასაჩივრება →